Tratamentos de Fisioterapia en Pontevedra
Tratamentos de fisioterapia
Fisioterapia neuromúsculoesquelética
Terapia manual, manexo da dor.
Exercicio terapéutico
Tratamento ou prevención de lesións, mellora da condición física, etc.
Fisioterapia respiratoria para adultos e nenos
Tratamento de patoloxías respiratorias.
Tratamento de punción seca
Tratamento da dor miofascial.
Rehabilitación cardíaca e cardiometabólica
Tratamento tras un infarto de miocardio ou síndrome coronario.
Fisioterapia laboral
Prevención, recuperación e formación laboral.
Fisioterapia en domicilio
Achegámonos ata o domicilio dos pacientes con problemas de mobilidade.
Por que escoller os nosos tratamentos?
Experiencia e especialización
Apoiámonos nos nosos case 10 anos de experiencia, e nas últimas actualizacións científicas para acelerar o teu proceso de recuperación.
Eficiencia e honestidade
Buscaremos solucionar o teu problema no menor número de sesións. Valoramos o teu tempo e diñeiro.
Atención personalizada
Adaptamos os tratamentos ás túas necesidades buscando cumprir as túas metas.
Seguemento
Acompañaremoste durante todo o proceso de recuperación estando accesibles cando o precises.
Traballo multidisciplinar
Colaboramos con profesionais doutras áreas como médicos e preparadores físicos para a resolución daqueles casos que o precisan.
Innovación
Esforzámonos por formarnos de xeito continuo e coñecer as técnicas de tratamento máis actuais e punteiras
Satisfación
Os nosos pacientes aválannos. Gústanos saber como foi a túa experiencia connosco para mellorar día a día e poder axudar a outras persoas que o precisen.
Fisioterapia neuromúsculoesquelética
- Empregamos técnicas de fisioterapia neuromuscoloesquelética para a abordaxe de lesións relacionadas co nervio, o músculo e a articulación coa fin de reducir a dor, a inchazón e a rixidez.
- En FiZ Fisioterapia facemos uso de técnicas manuais específicas combinadas co exercicio terapéutico.
- Contamos con formación no Concepto Maitland®, que é unha das formacións máis influíntes na Terapia Manual a nivel mundial.
Exercicio terapéutico
- Prescribimos programas de exercicios personalizados e individualizados adaptados ás diferentes fases do proceso de recuperación dos pacientes.
- Empregamos o exercicio terapéutico no tratamento ou prevención de lesións; na mellora, restablecemento ou potenciación do funcionamento físico; na prevención ou redución de factores de risco para a saúde; etc.
Fisioterapia respiratoria para adultos e nenos
- Valoramos e tratamos pacientes adultos e pediátricos con patoloxías respiratorias, tanto agudas coma crónicas.
- Empregamos técnicas especializadas para a desobstrución das vías respiratorias axudándolle ao paciente a retomar a actividade física e o esforzo.
- En FiZ Fisioterapia formámonos de xeito continuo no coñecemento e tratamento da patoloxía.
- Contamos con experiencia no tratamento de pacientes no ámbito hospitalario.
Tratamento de punción seca
- Aplicamos a técnica de punción seca en puntos gatillo para o tratamento da dor miofascial conseguindo os seguintes beneficios: redución da dor, mellora de mobilidade e a flexibilidade, diminución da rixidez, e eliminación de contracturas musculares.
- Contamos con formación acreditada.
Rehabilitación cardíaca e cardiometabólica
- Ofrecemos axuda a aqueles pacientes que superaron unha cardiopatía isquémica (infarto de miocardio ou síndrome coronario), e que tras ter realizado un programa de rehabilitación cardíaca precisen a supervisión e a programación dun profesional sanitario para seguir adestrando.
- En FiZ Fisioterapia estamos preparados para programar exercicio físico adaptado a este tipo de pacientes.
Fisioterapia laboral
Dende FiZ Fisioterapia ofrecemos asistencia a empresas para mellorar o benestar e a saúde dos traballadores e traballadoras.
- Prevención. Avaliamos individualmente os riscos do posto de traballo e damos recomendacións para melloralos; aconsellamos sobre hixiene postural; deseñamos programas de exercicios e estiramentos adaptados para evitar lesións no ambiente laboral.
- Recuperación. Valoramos cada caso e acompañamos aos pacientes en todo o proceso de recuperación.
- Formación. Educamos sobre ergonomía no traballo, prevención de lesións, e coidados posturais.
Fisioterapia en domicilio
- Achegámonos ata o domicilio daqueles pacientes que teñen problemas de mobilidade, ou que debido á súa patoloxía non poden desprazarse.
- Aproximamos e personalizamos a asistencia a cada paciente implicando á familia no seu proceso de recuperación no fogar.
